«Karaton Operating Ltd.» (бұдан әрі – Компания) өз қызметін денсаулық сақтау, еңбек қауіпсіздігі және қоршаған ортаны қорғау (бұдан әрі – ОЗТОС) саласында Қазақстан Республикасының заңнамасына, сондай-ақ «ҚазМұнайГаз» ҰК АҚ мен «Татнефть» ЖАҚ-тың өнеркәсіптік қауіпсіздік, еңбек қорғау және қоршаған ортаны қорғау саласындағы міндеттемелеріне сәйкес жүзеге асырады.

Осы саясатты іске асыра отырып, Компания келесі стратегиялық мақсаттарды көздейді:
қызметкерлер мен қоршаған адамдардың өмірі мен денсаулығын сақтау;
қоршаған ортаға теріс әсерді төмендету;
қызметтің климатқа және осал аймақтардың биологиялық әртүрлілігіне әсерін азайту.

Басқарудың негізгі қағидаттары:
Қазақстан Республикасының заңнамасы, халықаралық және ұлттық стандарттар, ішкі құжаттар талаптарын сақтау, соның ішінде «Қаратон тұзасты» жер қойнауы учаскесіндегі қызметті жүзеге асыру;
ISO 45001:2018, ISO 14001:2015 стандарттарының талаптарына сәйкес басқару жүйесінің тиімділігін арттыру және тұрақты жетілдіру;
халықаралық озық тәжірибелерді қолдана отырып, ОЗТОС басқару жүйесін үздіксіз дамыту және жетілдіру;
өнеркәсіптік жарақаттану, кәсіптік аурулар, апаттар және қоршаған ортаға теріс әсер деңгейін тұрақты төмендетуге бағытталған ОЗТОС саласындағы мақсаттарды қою;
қызметкерлер арасында жоғары корпоративтік мәдениетті қалыптастыру және оларды ОЗТОС іс-шараларын жүзеге асыруға белсенді тарту;
әрбір қызметкердің ОЗТОС талаптарын сақтауға жеке жауапкершілігі;
барлық деңгейдегі басшылардың ОЗТОС саласындағы талаптарды орындауға көшбасшылығы мен адалдығы;
өндірістік қызметтің барлық кезеңдерінде ОЗТОС саласындағы тәуекелдерді анықтау және басқару;
жарақаттанудың және денсаулықтың нашарлауының алдын алу бойынша тұрақты мақсатты жұмыс жүргізу, жұмысқа байланысты жарақаттанудың және денсаулықтың нашарлауының алдын алу үшін қауіпсіз және зиянсыз жұмыс жағдайларын қамтамасыз ету;
қызметкерлерді басқару жүйесін қолдау және жақсарту, бизнес-тәуекелдер мен денсаулық сақтау саласындағы тәуекелдерді басқару процесіне белсенді қатыстыру;
қызметкерлер мен олардың өкілдерін консультацияларға және басқару жүйесіне қатыстыру, сондай-ақ барлық мүдделі тараптармен өзара іс-қимыл жасау;
қоршаған ортаны қорғауға бейілділік, оның ішінде ластанудың алдын алу, Компания қабылдаған міндеттемелерде белгіленген энергияны тиімді пайдалану және тұтыну талаптарын сақтау;
қызметкерлерге өз өмірі мен денсаулығына немесе айналасындағылардың қауіпсіздігіне нақты қауіп төнген жағдайда жұмысты орындаудан заңды түрде бас тарту құқығын беру;
ОЗТОС мәселелері бойынша қызметкерлерді үздіксіз оқыту және біліктілігін арттыру;
қоршаған ортаға теріс әсерді азайту мүмкіндіктерін үнемі іздестіру және оны өмірлік циклді ескере отырып басқару;
ластаушы заттар мен парниктік газдардың шығарындыларын азайтуға және энергия тиімділігін арттыруға бағытталған қауіпсіз және ресурсты үнемдейтін технологияларды енгізу;
мердігер ұйымдардан ОЗТОС талаптарын сақтау қағидаттарына жауапкершілікпен қарауды талап ету;
акционерлерді, серіктестерді, қызметкерлерді, мемлекеттік органдарды және жұртшылықты Компанияның ОЗТОС саласындағы қызметі туралы ашық, шынайы және жедел ақпаратпен қамтамасыз ету.
Осы саясат Компанияның барлық қызметкерлеріне, сондай-ақ Компания нысандарында қызмет көрсететін және жұмыстарды орындайтын мердігер ұйымдардың қызметкерлеріне қолданылады.

Бұл құжат барлық мүдделі тараптар үшін ашық және қолжетімді.

Компания басшылығы ОЗТОС басқару жүйесін қажетті ресурстармен және жағдайлармен қамтамасыз етуге толық жауапты.